Badira urte batzuk tutore irakurle dinamika martxan jarri genuela eskolan.
Azken bi ikasturteetan ezin izan dugu egin pandemia dela eta, baina irrikitan gaude ikasleak nahasteko eta elkarrekin lanean hasteko.
Eskolako gelak senidetuta daude, eta ikasle bakoitzak badu bere eskola-bikotea. Bikote hauek beste hainbat ekintzetarako ere erabiltzen dira: Agate Deuna, ateraldiak, etab.
Ostiraletan goizeko 9tan eskolan sartu eta ikasle helduena bere bikote txikiagoaren bila joaten dira. Eskolan bien artean aukeratutako txoko gustokoenera joaten dira eta bertan ikasle helduak liburuaren irakurketa egiten du eta ondoren prestatutako dinamika aurrera eramaten du txikienak.
Oso dinamika polita eta aberasgarria, eta bai batzuk eta bai besteak gustora egoten dira. Honela, pixkanaka adin ezberdinen arteko interakzioa indartzen goaz.