Ikasturte honetan, eskolako patioan aurkitu genuen ustekabeak instantean kendu zigun normalean ikasturte hasieran adierazi ohi dugun gogo falta eta tristura.
Guztiok ikusi ahal izan genuen aterpe txikia eusten duen estruktura metalikoak jasan zuen aldaketa. Lehen genituen burdin grisa horiek bat-batean espiritua alaitu eta irri egiteko gogoak ematen duen lorategi koloretsu eta bizi batean bihurtu da.
Eta hori dena, gure auziokideak diren ELKARTE Fundazioko lagunei zor diogu. Lagun hauek, udan zehar, musutruk aritu dira burni horiek garbitzen, lixatzen, margotzen… Sanduzelai Komunitate osoak arte lana honekin disfrutatu dezan.
Horretaz gain baratzean ere mantentze lanak egin zituzten ureztatzen, belar txarrak kentzen, landare berriak jartzen…
Beraz, egindako lana bihotz bihotzez eskertzea gelditzen zaigu. Elkartasun eta elkar lanaren eredu izugarria eskaini digute eta espero dezagun egunen batean horren ordaina jaso dezaten.
Bitartean, pasa den asteazkenean, urriak 17, egindako guztia eskertzeko topaketa bat antolatu genuen Elkarte Fundazioko kide eta eskolako txikien artean. Bideo honetan egun horretan bizitutako hainbat momentu eskaintzen dizkizuegu.
Esker mila aunitz Elkarte Fundazioko kide guztiei eta bereziki eskolan aritu ziren langileei egindako lanagatik eta izandako ereduagatik.
SANDUZELAI HEZKUNTZA KOMUNITATEA
Utzi erantzuna