3. Zikloa

Aurten ere neguan saskiak egin ditugu eta ikasleen artean zozketatu ditugu.

Gure zikloko ikasleei emandakoak hemen dituzue.

On egin

Inauteriak hemen daude jada eta 3. zikloko ikasleok herri inauteriak hurbilagotik ezagutzeko aukera izan dugu.

Aurreko astean herri inauterien inguruko tailer bat izan genuen Donibaneko inauteri taldearen eskutik.

Herri inauterietako ohiturak nondik datozen ikusi ondoren zenbait mozorro frogatzeko aukera izan genuen.

Pasa den astean gure eskolara etorri zen Aurkene Aroka.

Aurkene Aroka kirolaria apartekoa da: piragua, korrika, herri kirolak,… denetatik egiten du. Eta dena ongi!!!

Gurekin egotera etorri zenean, piraguista bezala etorri zen. Bere ibilbidea, bere lorpenak, bere txapelketak,… kontatu zizkigun.

Piraguaren ezaugarriak, parte hartzeko moduak (banaka, bikoteka edo launaka) azaldu zizkigun.

Bukatzeko galdera batzuk egin zizkigun.

Oso ongi eta oso gustura egon ginen.

Mila esker Aurkene eta zorte on!!!!

Aste honetan 3.zikloko ikasleok Mexikoko kultura eta tradizioak ezagutzeko aukera izan dugu. Mujeres en Red elkarteko ipuin kontalari bat etorri zen, eta Mexikoko kontakizun tradizionalak kontatu zizkigun.

Hitzaldi eta kontakizun hauetan, Mexikoko herri eta kondairetan oinarritutako ipuinak entzun ahal izan genituen. Kontakizunekin herrialde urrun honen kultura eta mitologia ezagutzeko aukera paregabea izan genuen.

Mujeres en Red elkarteak, emakumeen ahalduntzean eta kultura transmisioan funtsezko lana egiten du, eta haien bisitak kulturarteko elkartrukea sustatzeko aukera paregabea eskaini zigun. Bizipen honi esker gure jakingura eta errespetua handitu da, eta kultura aniztasuna lehen eskutik bizi izan dugu.  

Aurreko astean, 6. eta 5. mailako ikasleok Nafarroako Museora egin genuen bisita oso interesgarria izan zen. Bertan, paisaien inguruko esposaketa bat ikusi genuen.

Esposaketak emakume artista ezberdinen lanak erakutsi zizkigun, eta haien sormenaren eta teknikaren inguruan ikasgai baliotsuak jaso genituen.

Ikusitako margolanek natura eta paisaia desberdinak islatu zituzten, eta guztiok txundituta geratu ginen.

Esposaketa bukatu ondoren, margoketa tailera egin genuen, eta bertan gure sormena erabiltzeko aukera izan genuen. 

Aurreko ostiralean, 6. mailako ikasleok bertso saio bat antolatu genuen eskolan. Bi urteko bertsogintza saioak egin ondoren, martxa polita hartu dugu. Egin genuen saioa oso berezia izan zen, 6.mailako ikasle guztiek parte hartu genuen eta giro ezin hobea sortu zen.

Bertso saioetan ikasitakoak praktikan jartzeko aukera izan genuen. Ikasle bakoitzak bere sormenaren bidez, ikasitako teknikak eta errimak erabiliz, bertso eder batzuk osatu zituen. 

Eskerrik asko gu entzutera gerturatu zineten guztioi!!

“Last week the students of Sanduzelai had the opportunity to enjoy a theater in English at Civivox.”

“Aurreko astean, Sanduzelaiko ikasleek ingelesezko antzezlan batekin gozatzeko aukera izan zuten Civivoxen”

Kaixo!!!

Aurten ere, pasa den ikasturtean egindako konposta atera dugu hirugarren zikloko ikasleen artean.

Atera ondoren, baratzean zabaldu dugu neguko landareak jartzeko: zerbak, borraja, azak, azaloreak, tipulak,…

Ea zer moduz ateratzen diren. Momentuz ez dugu ureztatu beharko, astero euria egiten duelako.

Aurrerago emaitzak ikusiko dirugu!

Negua bukatu zaigu eta udaberriko landaketa egin baino lehen, neguko produktuak kendu ditugu.

Horiekin saski batzuk egin ditugu eta horietako bat gure lagunari eman diogu.

On egin Izar!!!

Martxoaren 26an, Silvia Perezekin egon ginen. Nafarroako Kirolaren Institutuak antolatzen dituen hitzaldiei esker Silvia Perez gurekin egon zen.

Silvia Perez Osasunako atezaina da eta gure ikasle ohiarekin Iosune Urdanizekin jolasten du Osaasunak duen lehenengo futbol taldean.

Gurekin klasean bere ibilbidea eta bere esperientziak partekatu zituen. Eta guk hainbat galdera egin genizkion.

Ondoren, kiroldegira joan ginen eta Gorputz Heziketako saioa genuela aprobetxatuz, ariketa batzuk egin genituen.

Bera atean jarri zen eta guk gola sartzen saiatu ginen.

Oso ongi pasa genuen eta bera oso gustura egon zen.

Eskerik asko Silvia!!!